愛將

伙計同愛將唔同。伙計響公司，主要係幫你做野。佢付出勞力，你付出金錢，大家彼此尊重，維持一個良好既關係，就算唔錯架啦。

愛將唔同。愛將會分擔你響公司之內遇到既事，工事上佢會share你個mind，你會俾佢感受你感受到既野。點解佢會成為你既愛將呢？就係因為佢不但可以感受到你感受既野，佢仲懂得base on你既感受，你既性格同你既處事方法，去幫你解決問題。處理每一個問題既時候，亦懂得去考慮你既立場同處境。佢地未必係好聰明既Staff，不過，佢地同你有一種特別既默契，所以佢幫你處理問題既時候，零舍合你心水。簡單講，即係夾。

不過現實係，即使愛將同你關係幾好幾密切，佢地都一樣有自己既路要行。佢地響事業上可能要有突破，可能要結婚生仔，總之，愛將，一樣會有同你「分手」既一日。情侶都唔係啤啤會天場地久，何況伙計？